بقيت خلاص وحيد

ازيكم يا شوباب
انا عارف ان ماليش ف الكتابه ولا الادب ومش بعرف اجمع جملتين على بعض

بس برده لقيت كل الناس عندها مدونات يرضيكم اقعد ماعنديش بلوج

انا قولت بقى امشى على الموضه ويبقى عندى انا كمان بلوج

واحتمال يبقى بعد كام سنه زى الشقق ونأجرها مفروش او نأجرها قانون جديد

دا لو حد اصلا دخل هنا وعبرنى :)

بحبو مهما اشوف منو

دا تصميم رومانسي عملته امبارح
علشان عيد الحب
تيجى انت تقولى ماتقولش عيد ولا تقول عيد
اقولك مش مشكلتنا دلوقتى
تيجى تانى تقولى الحب مالهوش عيد
اجى انا اقولك فعلا الحب كل ايامه عيد
اول ما عرفت ان بكره اللى هو بقى النهارده وانتم بتقرو الموضوع 4 /11 قولت بس قوم
يا واد يا كويس اعملك تصميم كده علشان تواكب العصر
ورحت فاتح الفوتوشوب بعد ما كان صدى خلاص
وفتحت كمان الوين امب وعلي الانغام الرومانسيه وعليا النعمه بحبك وعليا النعمه
بريدك يالهوى يالهوى
وبدائت اشتغل
المطرب هيموت نفسه علشان يقول لحبيبته انه بيحبها
وطبعا هى سايقه الدلال ولا بتعبره
المهم خلصت انا بقى التصميم بعد عذاب والمطرب كان جاله خرس وحول من كتر ماصوته
اتنبح
وادى التصميم